Observasjon (10.09.07)

(Eg såg at eg hadde gløymt å skrive blogg etter denne økta, men bedre seint enn aldrig!)

Vi gjekk nermare inn på observasjon og ulike observasjonsmetodar i denne ped økta.
Dette var jo til stor hjelp når vi skulle ut i praksis og skrive logg. Vi fekk også ein del tips og triks som vi kunne ta med oss i praksis. Eg har ikkje hatt så mykje om observasjon og loggføring før så det var interessant å gå meir innpå det.

Det var morosamt og setja seg i kantina og observera personar i ein halv time. Eg fant ut ganske mykje på den tida. F.eks kven som var "sjefen" i ein gjeng og slike ting greide eg å finne ut bare med å observera. Det får meg til å tenkte litt på korleis eg oppfører meg når eg er blandt folk. Og korleis andre tenker og oppfattar meg.

Det er veldig viktig for oss som skal bli lærarar at vi tenker på korleis vi oppfører oss. Ungar observerar den minste ting. Birgit viste oss eit lurt knep der ho stakk hendene i lomma når ho vert nervøs. Det brukte eg i praksis!

Dette var alså ei kjekk økt der eg lærte mykje. Eg tok med meg alt eg hadde lært til vi skulle ha praksis og det kom godt med.

Revidert 25.04.08

Observasjon er noko me gjer heile tida, i skulen er dette særs viktig. Det er eit godt hjelpemiddel til å innhenta informasjon om den einskilde eleven. Ein kan læra myke bare ved å observera. Dersom ein lærar har mistanke om at ein elev har problem av eit eller anna slag er det første læraren må gjere å observere. For å i det heile tatt plukke opp noko som helst er ein nødt å observere. I samband med dette kan det vera lurt å skriva logg, slik at ein ikkje gløymer viktige hendingar. Dette kan også hjelpa læraren til å finne ut kva problemet til denne eleven er.

Det som er viktig når ein skriv logg frå observasjonar eg å ikkje trekkja nokre konklusjonar. Det er lett å dømma når ein observerer. Og det gjer eg kvar dag trur eg. Dersom nokon går forbi meg på butikken har eg lett for å dømma etter det er ser. Dette har vist seg fleire gongar at eg har tatt heilt feil. Ein skal skildra det ein ser og ikkje det ein trur ein ser!

I tillegg til loggskriving finst det fleire observasjonsmetodar som for eksempel: Aktivitetsskjema og praksisforteljing. Akivitetsskjema (minuttobservasjon) var det eg brukte mest då me skulle observere i første praksisperiode. Då skreiv eg ned alt eg såg etter kronologisk rekkefølge i nokre minuttar. Av og til var det enklast å ta utgangspunkt i ei gruppe elevar, då det vart litt mykje å halda styr på kva alle elevane i klassen gjorde.